محتويات
قصيدة هلي بعيد وذقت هجر وعواقيب
هلي بعيد وذقت هجر وعواقيب
- يا أكالة الخنزير مانتم هلٍ لي
أهلٍ محبتكم دعاية وأكاذيب
- تتكهنون ان الهوى صافيٍ لي
في محفظتكم فرحتي يا معازيب
- رسالةٍ عنوانها من محلي
عطوني اقراها وأوسع لها الجيب
- جيب القميص لحملها ما يملي
مكتوب يطلع لي بطيه مكاتيب
- ولعل مكتوب الحبايب يسلي
من دمع عيني ما قريته بترتيب
- ساعة نشرته قمت أرحب وأهلي
وأشوف يا مكتوب فيك التعاجيب
- المنشي أصبح ما قطع عبرةٍ لي
قصيدة: تلاوعني الفرقة وأنا ما أقبل اللوعة
تلاوعني الفرقة وأنا ما أقبل اللوعة
- ومن لاعته فرقة الحبايب بكى منها
يهج الحشا والجفن ما جفت دموعه
- وأبا اشتم محبة بعض الأصحاب والعنها
عسى الله يروع اللي يسبب لي الروعة
- متى الريح تحملني وأواطن مواطنها
ومتى ربعي الغياب تلتم بربوعه
- وأقبل خدودا باسود الرمش دافنها
دقاقة ملامح تفرع البيض مربوعه
- ومن حذقها في ردن ثوبك تكفنها
أولع شموع الوجد وأطفي شموعه
- وأنا والهواء غبه وتلطم سفاينها
قصيدة قالوا توادع قلت يا صعب الوداع
قالوا توادع قلت يا صعب الوداع
- وشلون أوداع من معه قلبي وديع
قلبي معه والسر من فرقاه ضاع
- صحيح من يفقد زمام أمره يضيع
أليا ذكرت الخد والسود الوساع
- تسابقت غارات عبارتي جميع
أصبر على الهجران قدر المستطاع
- أحمل همومي للخلا وأشري وأبيع
أبيع شي بالجواهر ما يباع
- بعته رخيص وضاق أمامي كل ذيع
بين الرجا واليأس يشتد النزاع
- بعده دهر ومشاهده عندي ربيع
تستدرج الأيام مفتول الذراع
- من حيث لا يعلم وترميه بالسريع
قصيدة: كل ما ون قلبي جاوبنه الضلوع
كل ما ون قلبي جاوبنه الضلوع
- من هنوفٍ سلب عقلي هدب عينها
كن في عينها وإن ناضرتني جموع
- حفرة الموت في مقرن حجاجينها
جاء نهار الخميس وفات يوم الربوع
- والوعد طاف والأقدام مشقينها
حفيت أقدامنا والعين تذرف دموع
- فرقا الأحباب يومين ياشينها
يا مليح الكلام ويا حسين الطبوع
- صورةٍ حابها الرحمن يازينها
قصيدة على الراعي سلام
على الراعي سلام من الرعية سنة الرحمن
- من السنة سلام وللرعية عاش راعيها
رعاة الله إمام المسلمين وللوطن عنوان
- ورمز ونور نجد وعز حاضرها وباديها
حضرنا للتراث اللي يمثل ماضي العربان
- ولا يبقى للأمة قيمةٍ من دون ماضيها
صحيح من قرا التاريخ يلقا به عربان وأوطان
- قرونٍ حافلة ما يمكن التاريخ يخفيها
هلا ومية هلا بضيوف حلوا في محل إخوان
- تراحيب المضيف وبالضيوف الله يحييها
قصيدة خلوني أبكي يابراين ويا سو
خلوني أبكي يا براين ويا سو
- وهذي سواة اللي دياره بعيدة
تو العيون تهل عبراتها تو
- وتو القلم ينظم بيوت القصيدة
وهني حيٍ فالجزيرة تسلوا
- باليوم يطرقهم حياةٍ جديدة
وأنا بلندن من كويكل ليا قو
- يفعلبي الخالق على مايريده
يا راكب اللي مشيها يقطع الدو
- من قبل تصنع شجعتها الجريدة
نفاثةٍ ما تسبح إلا على جو
- تسمع لها تحت الكواكب وقيدة
يا هيه ياللي في ظهرها تساووا
- أنا أشهد أن نفوس أهلها سعيدة
ودوا كتابي ياطروش وتعنوا
- ورموه بطن الرياض بريدة
إن ما لقيتوا علم وإلا تحروا
- واستفسرولي بالعلوم الوكيدة
هذاك ناسي مع ربوعٍ تناسوا
- ما كان ينسانا وأبوه الفقيدة
