محتويات
قصيدة: يا صاحبي لا تشتكي الوقت والحال
قال الشاعر صاحب الأبيات:[١]
يا صاحبي لا تشتكي الوقت والحال
- خلّ اللي في قلبك اليوم خافي
ما كل حكيٍ يا أبيض القلب ينقال
- ولا كل عمرٍ من شقى الحال غافي
رح واشتكي للي له الكل رحال
- وارفع كفوفك له ترى الله كافي
واعرف ترى كلٍ من همومها شال
- ولا عاد شفت اللي من صافي
ما إنت الوحيد اللي شكى الوقت والحال
- وما أنت الوحيد اللي له الوقت جافي
اكذب عليك إن قلت لك خالي البال
- يا ما مشيت الدّرب و النّور طافي
همّي بقلبي يالخوي أتعب الحال
- دمعي بعيني رقص اليوم قافي
إنت الرّفيق الّلي بهالكون ما مال
- لا ضاق صدري منهم ألقاك لافي
ترى غلاك اليوم ثابت و لا زال
- ولا عاد أبي ربع القلوب المقافي
خذني يمينك وأبشر بذرب الأفعال
- لأمشي معك لو وين كان انجرافي
أقسم قسم إنك على الراس تنشال
- خذ من قصيدي وشوف جل اعترافي
قصيدة: ودي بك
قال الشاعر محمد بن فطيس المري: [٢]
ودي بك وأبيك وأباك وأبغاك
- جمّعتها لرضاك واختار فيها
شف ويش منها يتبع احكاك ورضاك
- واللي لك اسقي مسمعك لا ضميها
غديت (افر)احكاي واساير احكاك
- وأنا تشّرف لكنتي واهتويها
مضمونها ودي بشوفتك وأهواك
- ياللي دروب أهل الردى ما تجيها
صانـك ولـي أمـرك وحـبـك وداراك
- ولأقــدر ردع الحـظـوظ ومجيـهـا
نفسـك مهذبهـا وعــز الله ربّــاك
- ما يـدري إن جيـش الهيـام يغزيـهـا
الله قسـم يبـلاك بـي وأنـت يبـلاك
- باللي سواتـي فـي العـرب يرتجيهـا
محبة (ن) ذربه مـن القلـب تكسـاك
- محبـة (ن) صـدق الهـوى يكتسيهـا
يا مـرك قلبـك بالوفـا لـي وتنـهـاك
- أنس (ن) علـى لامـاك تفـرك يديهـا
رزيـن عقـل ومـن مزايـا مـزايـاك
- نفسـك تحـب وعفـتـك تمتطيـهـا
تطيع عقل (ن) مـا بعـد زل وأغـواك
- مشاعـرك تعصـاه .. وأنـت تعصيهـا
ما شفـت منـك إلا عيونـك ويمـنـاك
- محبـة (ن) راع الـردى مـا يبيـهـا
يقبـض فـؤادي لا تخيـلـت فـرقـاك
- يا شف عيـن (ن) مـا سـواك يعنيهـا
ويا عـزوة إخوانـك ومطلـب هـذولاك
- نـاس (ن) محبـة والـدك تدعيـهـا
ناس (ن) تخـدم أبيـك كلـه لعينـاك
- وهـو يحسـب إن الله عليـه يهديهـا
يا جعلها تفـدى علـى الأرض ما طـاك
- والله بمـن هــو مثلـهـا يبتليـهـا
لكن لعب في يا وليفي تغّلاك
- ونفسي غلاك من الصدود يحديها
تبطي علي وأنا هنا وأتحراك
- وكبدي لواهيب الصبر تشتويها
اجمّع علومك من هناك وهناك
- والله لو أنها تنشرى لا اشتريها
قصيدة: عتاب أخوة
قال الشاعر مساعد الأصلعي: [٣]
اليوم بعاتبك وظني بأجافيك
- يوم إنّك من صوبنا تجافيت
سنين طويلة وأنا معك مخاويك
- ولا عن الخوة لحظة تخليت
افرح ليا سمعت صوتك وطاريك
- وأتابعك كلما قمت وأمسيت
صاحبي الغالي ولا بساوم فيك
- ألبي وأهم روحي ليا دعيت
بالروح والدم من دونك أفديك
- ما أخون مبدأ على صلبه تربيت
لكن تغيرت وكثرت معاصيك
- وشانت فعايلك وحتى ترديت
صرت تجهلني وقت ما أفاجيك
- ويا كثر الأيام اللي بها صديت
المرة الأولى قلت شيء مبتلييك
- وتكدرت يوم إني عنك ما دريت
كم مرة كلمتك وأبغى أحاكيك
- أعطيتني مشغول وما رديت
اكتشفت إن ما شيء يؤذيك
- عرفت إنك من صوبنا جضيت
في كل يوم وتزود في تماديك
- شفت أحوالك علينا وتغليت
عرفت مقصدك وتبينت مغازيك
- يوم إنك وراء المصلحة مشيت
كثرت هروجك وكثرت تهازيك
- وياما في ظهري شتمت وسبيت
ما قدرت يوم أقابلك وأماريك
- على العلوم اللي علي زليت
بالعلوم المطلقة دايم أجازيك
- وأنت بالشينة قدمت ومديت
يا نار في خاطري منه يطفيك
- وأنت من صب فيها غاز وزيت
قمت من نومي وشغلت الاتريك
- وفي الليلة الظلماء بالخلاء سريت
من هم في قلبي يا جعله ياتيك
- أرخى سدوله علي ولا وعيت
نسيت خلك واللي كان يواسيك
- لا صكت الدنيا بوجهك وتباكيت
نسيت من كان حولك ويرضيك
- لا كدرتك الأيام ومنها فزيت
ما تهون على يوم هانت مباديك
- قصر بنيته عالي ثم هديت
كان لك مقام وما حد يساويك
- ولك والله بالمعزة شامخ البيت
كنت بالعليا والزينة دوم ابديك
- ولشأنك كثير من الناس ضحيت
منه غيري في جنبك ويحميك
- وإلا تخليت عنه وما احتميت
كنت أحارب وأهين من يعاديك
- وأوقف في صفك لا منك تعديت
وإذا هميت وكبرت عزاويك
- من تلتفت صوبه لا تعزويت
لا تلاعبني مثل القط والديك
- وباقي ما صدقت الذي سويت
كنت إلي تضايقت آجي وأسليك
- وأبكي لبكاك وأن لا ونيت
وتنسكب دمعتي لا انهلت عباريك
- وفي تحقيق رضاك ياما سعيت
ومن أغلى الأثمان دايم أهديك
- أنشهد من صوبك كفيت وفيت
فإذا نسيتني فلا إني قادر أنسيك
- حتى لو قطعت الوصل وتناسيت
ما قدرت أطلب حق وأقاضيك
- وأنت من صوبي أخطيت وضليت
طعنتني بالرمح والقنا بأياديك
- وجرح سببته منه ما شفيت
شوف السبب الذي تتبعه ويغويك
- وإيش حصلت منه ولا جنيت
عرفت معدنك ولا عاد بأرجيك
- يوم بعتنا ولغيرينا اشتريت
فلو قدمت مالك وقدمت أهاليك
- وجيتني تعتذر وتقول يا ليت
ما أقبل عذرك وحتى ما بحييك
- وأنت الذي ترفعت وتغليت
فخلك بعيد عني وابليس يفتيك
- قرار من عندي عليه جديت
فيا الله يا مطلوب والكل يدعيك
- الواحد اللي له سجدت وصليت
تلطف بحالي وحالي يناجيك
- وما خاب من دعاك يا رب البيت
قصيدة: أخوي صاح
قال الشاعر سعيد القير: [٤]
أخوي صاح البارحة للعذاريب
- وأصغيت له كني ورا الطرش راعي
هرجٍ مثل رجد الفشق والمضاريب
- كنه يصحي له من النوم واعي
يرشد خطاي وينتقدني من العيب
- حتى توسع خاطره لانطباعي
سود الليالي حفظتنا تجاريب
- وأرخت عصاها في جبيني وطاعي
نسعى ورا اللذات والشك والريب
- ونلقى حتفنا في طريق الضياعي
الضيق والحاجات والعوز للطيب
- واليا قصاك القل قص الذراعي
والي تسكر باب حتى الدواليب
- شد الرحال ولا يردك متاعي
وخلك شمالي في ديار الاجانيب
- ولا تمدح بالفخر والشجاعي
ولقح بنات العز وتجيب لك صيب
- وتلقا لها فالطيب صاعٍ وباعي
ولا تنعت المحتاج بالقل الشيب
- لا احتلت في نقل الذنوب الجماعي
وقفا وأنا له للضما والمشاريب
- وأنا على جرة حميد المساعي
وساعة طلع نور الصبح فالمصاليب
- ما غير أسلي خاطري بالتداعي
لقيت له جره ورا شمخ النيب
- وجريت له صوتٍ صداه انصياعي
ترا خوي الفقر والداب والذيب
- يهون دمه للسباع الجياعي
وأحرمن جمر الغضا والمشاهيب
- حزن اليتيم ودمعتين الوداعي
قصيدة: بنبقى والزمن شاهد
قال الشاعر صاحب الأبيات: [١]
بنبقى والزمن شاهد
- حبايب قلبنا واحد
وتربطنا اخوتنا
- رباط الكف بالساعد
قصيدة: جتني على طاريك عذبات الأيام
قال الشاعر صاحب الأبيات: [١]
جتني على طاريك عذبات الايام
- ذكراك ساقت لي جميع القوافي
لك قلب له مع الطيب وقفات
- وبين الضلوع الحانية قلب صافي
لا من ذكرتك والليالي القديمات
- فزيت من نومي لو كنت غافي
قصيدة: أنا لك يا خوي إن صار وجه الزمن دوار
قال الشاعر صاحب الأبيات: [١]
أنا لك ياخوي إن صار وجه الزمن دوار
- بتلقاني أقرب من ظلالك عن عصيره
وأنا لك حزام (ن) ما يلين وغطا وستار
- تحزم فداك العمر لو ما بقى غيره
تسند علي كنك تسند على سنجار
- ولا يشغلك ظرفي ولو بان تأثيره
قصيدة: وافي مع الوافي بكل المطاليب
قال الشاعر صاحب الأبيات: [١]
وافي مع الوافي بكل المطاليب
- على النقاء والطيب حبلك تمده
أنت الكفو اللي يعرف المواجيب
- والمحزم اللي بالمواقف نعده
قصيدة: الأخوة
قال الشاعر خالد المحيدش:
ما للأخوة من قلوب النشامى مفر
- مثل السماء ما تفارق خوتك يالجدي
ومقياس نعم الأخوة خوتن بالسفر
- تخسر بها العفن ولا تكسب الأجودي
لو كان مشوار ساعه بينكم للحفر
- ألا يبين علوم الطيب من الردي
وش جاب ريح الدخون لريحتك يالزفر
- الفرق واضح ولا تحتاج قولة غدي
فرق الذي آمن بربه عن اللي كفر
- في يوم تجهل به المرضع رضيع الثدي
والزله اللي تجيني عمد ماتغتفر
- والله لا أرده ولو تأصل لحد الودي
دامي سلايل هل الطولات وأهل الظفر
- هم لابتي لا انتخيت وفزعتي وسندي
يوم المزاحم تصك متونهم للدفر
- شمر إليا كبرت القالة حدوها حدي
ياأصحابنا أهل الفهامه والخطأ لاطفر
- ما ينفع الصبر لو أنك حليم وهدي
كم ليلتن كن قلبي صار ضابط خفر
- يلوج ماله على الصده طريقن مدي
وما دام ما الأخوة من ضلوعي مفر
- يا كثر ما شال صدري من نجومالجدي
المراجع
- ^ أ ب ت ث ج "أجمل أبيات شعر عن الأخ"، رف المعلومات، 2020-11-18، اطّلع عليه بتاريخ 2020-11-18.
- ↑ "وديبك"، الشعر، 2020-11-18، اطّلع عليه بتاريخ 2020-11-18.
- ↑ "عتاب أخوة"، الشعر، 2020-11-18، اطّلع عليه بتاريخ 2020-11-18.
- ↑ "أخوي صاح"، الشعر، 2020-11-18، اطّلع عليه بتاريخ 2020-11-18.
