شعر بدوي عن الشوق

قصيدة: اشتقت لك و الغلا قرب يضيعني

الشاعر محمد الصواغ "شاعر الصحراء":

اشْتَقت لَك وا لغَلا قَرّب يضَيعنِي

والخَاطِر اللي صَبَر مَلّ وقَضَا صَبره

بعلِمَك شيء وافْهَم دام تسمَعنِي

مِنْ وَاقِع التجْرُبة والوَقْت والخِبرَة

لو الخَلائق عَلى حُبّك تنازعنِي

يبطُون ما حَرّكوا فيني مَغَز إبرَة

ما غيرك أحدن قوى قلبي وولعني

وغلاك عندي وسط القلب يا كبره

لو بتكلم غزير الشوق قاطعني

مكسور خاطر والمكسور وش جبره

يخونني الوقت و الغيبه تصارعني

أكتب وحتى القلم خان ونشف حبره

رجعتلك والغلا والحب رجعني

يا حي هالشوف والضحكة وهالنبرة

غيرك من الناس لو حاول يطالعني

أصد عنه ولا أشوفه ولا أعتبره

إلا أنت يالشاري اللي منت بايعني

نظرة عيونك صفا لو ليلتي غبره

وإن كان ودك لـدرب الحـب تدفعني

القلب يعشقـك ما يحتاج تختبـره

وأكبـر دليـل الخلايق لو تنازعنـُي

بالحب ما حركواً فيني محـُل إبرة

قصيدة: روح علي من ليل الأشواق ثلثين

الشاعر سعيد بن مانع العتيبة:

روّح علي من ليل الأشواق ثلثين

وأقبل عليّ ثلثٍ طوى ضيقَتي طيّ

عقبَ الهُموم وظُلْمة اللّيل والبين

تنويرة الهاتِف مَلت ليلتي ضَيّ

البَارِح أضوّي بِه وأدوّر على شيْن

والحينْ نُوره مَالي البيت والحيّ حيّ

اتّصالك يوم جاني على الحين

ألفا يقديني عن الطيش والغيّ

يا مَرْحبا يا صُوت أشاهدَه بالعين

صوتٍ رَسَم طيفك بلوحَات عينيّ

في ذِمتِي يا سَيّد كل المزايين

صُوتَك مِثل ما أخذتني

رَدني ليّ تنْشد عن أَحوالي وأنَا أقُول لك: زين

ما غير جُرحٍ وآخر عِلاجَه الكَيّ

أتعَبَني إن الحُب ما بيننا بين

والمُجْتَمع باقِي عَلى وَصِلنا عيّ

بس التّعب فَدوة وحنّ أجل اثنين

تعبَك يا الغَالِي مثل شُربة الميّ

يرخَصْ لك الغَالي ويهدَا لك الزّين

تؤمُر عُيوني هاك هَذي قَبِل ذي

في خاطِري يا مُهْجة القَلب بيتين

دَامَك بتقَفِل قَبل الآذان بشويّ

حقّ الآذان و حَقّ صُوت المُلَبين

لكَ في خُفُوقي شي لا ما هُو بشِي

أشيَاء لكنّي بأعلِمك شيئين

شُوق و مَحبة موّتَتني وأنا حيّ

قصيدة: أبعتذر وأرسل مع الشوق عذري

الشاعرة وفاء الحجيلي:

أبعتَذِر وأرسِل معْ الشُوق عُذرِي

يا اللي مَكَانَك بين عينِي وقَلبِي

أنَا مقَصّر والظُروف أجْبَرتني

وأبيك تقْبَل اعتِذَاري وظَرْفِي

والله مَاني مهْمِلَك في حيَاتي

لكِن حَياتِي كُلها أتْعَبتنِي

أبغى أضمك لين توسم بصدري علامة

إذا قالوا أهلي عسى ما شر!! من صابك بسهامه؟

أقول حيل ضميته وكواني بحنانه

اتركوني يا هلي ذبحني هيامه

رميت سهمي وصابتني سهامه

أموت يا هلي وناسي بس لا يوم أفقد أحضانه

قصيدة: تجيني طيف يا عمري على جنحان شوقي لك

الشاعر سالم السيار:

تجينِي طيف يا عُمرِي على جِنْحان شُوقي لك 

أخَاف أَرْمش من عيُوني وأبَعْثر جيت وِصَالَك

حَبيبِي لا تِجيني قُول وين أنت وأنا آجِي لَك

أبيك تقُول وين أنت وعَلى عيُوني أنا أسعَى لك

ورَبّي فُوق رُوس الشّوك لا أخَلّي القَلْب يمشِي لَك

وأخلّي ظِلالِي يسْبقني قَبل يُحضني منزالَك

ثَوَاني بس أبتْهَندم مِن عُيونك وأبهدِي لك

في عينَك ضحكَةٍ حتّى تكحّل عين عُذالك

يقُولوا النّاس بغيَابي تشب القلب ويضوِي لك

حَنيني ومن وَهج شوقه يميل القَلْب لا مال لك

قَضَى دَمْعي من عيُوني أبي مِن عينَك أبكِي لَك

أبَنْثر مِن وَرا عُيوني دمُوع عُيون ترحالَك

تعبت أهرُب من الأشيَاء البَسيطة مِن تفَاصيلَك

تعِبت أسْأل زوايا البيت عَن أوّل وآخِر أحوَالَك

وحتّى الشُوق من صُبح الدرايش قَام يهْدي لك

عصَافير الرّضى ترفرِف علَى بيبَان مدخالَك

هنَا ترمِي صباح الخير قَبل لا ترُوح وأدعي لك

وهنَا تضوّي مَسَاء الخير في عينِي مِن هِلَالك

قصيدة: من زمن ما قلت لي أعطني يدينك

شاعر مجهول:

مِن زَمَن ما قُلت لِي أعطِني يدينَك

لا خَذَاك الشّوق لعيُونِي وشُفتَه

رُغْم كُل اللي حَصَل بيني وبينَك

ما أنْكِر إنّك أجمَل إنسَان عرفْتَه

قصيدة: يفز قلبي كل ما أجيب طاريه

الشاعر مرضي المراني:

يفز قلبِي كُل مَا أجيْب طَاريه 

فزّة يتيمٍ شَاف مَن تشبَه أمه

تَذَكّر أمه يُوم كَانت تنَاديه

وحسّ بجَفاها يوم عيّت تضُمه

مَرّت سَنة مِن مُوتها مَن يراعيه

والدّمع مَا قِدرت كُفوفه تلمَه

أبُوه مَات مِن الحُزن مَن يُواسيه

ومن بَعد مُوت أبوه أخَذه عَمه

ينام ما يلقَى رَحومٍ يغَطّيه

ولو مَا يسَوّي ذنب كلٍ يذمّه

ما كنت في قلبي ولا كنت فـ البال

توّي عرفت انك فـ عمري حقيقه

شفت البحر وشلون يشتاق للجال

هذاك شوقي لا فقدت دقيقه!

مشتاق لك والله وأنا حيل مشتاق

يا نبض قلبي يا الغلا وانت كلّيليه.

غبت عنّي خاطري صار مضايق

وليه من أشوفك أنسى ربعي وأهلي

فاض من قلبي شعور الشوق لك

وأنت حاضر كيف لا غبت ورحلت

والله إني كـل ما جيت أسألك؟

عن قدر نفسي رحلت ولا سألت

في طلتك تزهر مداين حنيني

وتنبت على جال التعب زهرة الشوق

حلفت لك وحدك براحة يميني

والناس باليسرى على ذمة الذوق

اشتاق في غيبتك وافرح اذا جيت

يعني على ما ظن شكلي أحبك

عاتبوني و المعاتب بـ سلم العاشقين

ما يجي الا من محبه ومن قدر وغلا

أدري ان الشوق فضاح والخافي يبين

و من تعود قول لبيه ما يضبط هلا

من زمن ما قلت لي عطني يدينك

لا خذاك الشوق لـ عيوني و شفته

رغم كل اللي حصل بيني و بينك

ما أنكر إنك اجمل وافضل إنسان عرفته

قصيدة: يا لبيه يا اللي هزك الشوق

شاعر مجهول:

يا لَبّيه يا اللي هَزّك الشُوق

يا لَبّيه حَرّ الشُوق يجمَعْنا ونرْجَع كما كُنّا

كَلام الحَقيقَة فَاقِد الشي ما يعْطِيه

وحْنَا فَقَدْنا أشيَاء تبيهَا العرَب مِنّا

قصيدة: اشتقت لك بالأمس واليوم مشتاق

شاعر مجهول:

اشتَقتْ لَك بالأمس واليُوم مِشتَاق

وباكِر إنْ شُفْتك يزيد اشتِياقِي

لَجلَك زَاد الحُب وزَادَت الأشواق

وزَاد مِن بين الضُلوع احتِراقِي

الله جَمَع فيك الحَلاوة والأخلَاق

مثْلَك لو دَوّرت مانِي بَلاقِي

كلّ شي يهُون إلا غيبتك عنّي

كيف أعتَذِر لقَلبي وكيف أدَاري غَلَاك

فِي غيَابك أيه اللي تَاخذه النّاس منّي

ما دَام قَلبِي والمَشَاعر معَاك

مُستَحيل أتخَيّل الدنيا بَلاك

أنتَ لي مَا دَام لي قَلْب ينبض جَاك

قَلبِي بالهَوى مَلْيان جَاك

واجتَمَع حُبّك ودَمّي في العُروق

يضيق الكون في عيني واشوفك في خيالي كون

أشوفك كلما أغفى لأنك حلمي الساهر

أحبك في تفاصيلك أحب أسلوبك المجنون

أحبك في طلوع الشمس أحبك يا أمل باكر

أشوفك داخلي أطفال مع ريح الفرح يمشون

أحبك في ابتسامه طفل أذا ناديت يا شاطر

أحبك ي صدى صوتن بحاسيس الهوى مشحون

أحبك يا ربيع أخضر أحبك يا شتا ماطر

قصيدة: فاض من قلبي شعور الشوق لك

شاعر مجهول:

فَاضْ مِن قَلبِي شُعور الشّوق لك

وأنتَ حاضِر كيف لا غِبْت ورَحَلت

والله إنّي كُل ما جيْت أَسأَلَك

عَن قَدَر نَفْسي رَحَلت ولَا سَأَلْت

قصيدة: عذبني الشوق وأسرفت بخيالاتي

شاعر مجهول:

عذّبْني الشُوق وأسْرفت بخَيالاتي

نَفْسٍ تحبّك دَخيلَك ليش تهمِلها

يا ليتَك شوَي تُشعُـر في مُعاناتِي

دنْيَاك يمكِن عَليك تضيْق بأكمَلهـا

الحُزُن كنّه سفِيري في عَلاقَاتي

والهَم خَيّم على حالي وطوّلهـا

غَديت دَرْبي وتَاهت فيك خُطواتي

كُلّ المَواعيد مَدري ليش تأَجّلها

قصيدة: مشتاق لك والله وأنا حيل مشتاق

الشاعر مبارك الحجيلان:

مشتَاق لَك والله وأنَا حيل مشتَاق

يا نَبْض قَلبي يا الغَلا وأنت كُلّي

لي غِبِت عَن خَاطرِي صَار ضَاق

ولي مِن أشُوفَك أنسَى رَبعِي وأهلي

أحبّك الحُب اللي بدَاخِل الرّوح فَاق

يا اللي مَع الرّوح بشُوفته أملِي

نفد صَبْري وأحسَب الوَقت شَاق

مَتَى الرّوح تجمَعنِي فيك قُلي

احتَرِت مع الوَقْت وصَار خَنّاق

لَو تدرِي بغَلَاك ادفَع كُل مالِي

وأبيع إيه كُل النّاس والأعْرَاق

وأشتَري حُبّك اللي فاق وصَالِي

أحبّك حبيبي وكُلّي أمَل وأشوَاق

وكُلّي حُب وكُلي وَلَه ونتَ كُلي

تعِبِت والله مِن التّعب والـفرَاق

مشْتَاقلَك حيْل حيْل يا الغالِي

تَعَال بَعْثِر أشعَارِي والأورَاق

وامحِي عَذاب السّهَر والليَالي

تَعَال ضُمنِي بصَدرك أنا مشْتَاق

حَبيبي إنت وكُل شي بالنسبَالِي

يا متعب القلب قلي ويـش غلطاتـي

إن كنت أنا اقدر أعدلهـا بعدلهـا

لصرت تجهل عناء الدنيا وضيقاتي

من دون ما اشرح لك اوضاعي تأملها

الوقت ضدي حرمني من ملذاتي

والصد بعدك ذبح روحي وكملهـا

لا لا يغرك كثير الصمت وسكاتي

خل المشاعر تقول الآه واسألهـا

يسكنني الحب واضح من عباراتـي

وش عاد لجلك حروفي لـوأدللها