شعر بدوي عن الغزل

قصيدة: بديت لي بأبيات شعر جديدات

قال الشاعر عوض بن خيران:

بديت لي بأبيات شعر جديدات

وفوق السطور أكتب بيوت جدادي

أونست يا مشكاي بالصدر ضيقات

وإن قلت راح الضيق بالصدر زادي

طرا علي اللي عيونه وسيعات

اللي مشاركني بنومي وزادي

وما ظني أنسى اللي رموشه ظليلات

وأنا اللي منه طرا وأهجادي

قضيت مع خلي ليالي جميلات

أنا مفادي وهو مثلي مفادي

وأخذت أنا ويّاه بالحب سجات

في عشرة ما هي بعشرة فسادي

لكن حدتني في زماني غيارات

وعيا يحقق لي زماني مرادي

حب وراه فراق ما فيه لذات

مثل البياض اللي غشاه السوادي

وصحيح ما قال المثل والروايات

ما تعقب النيران كود الرمادي

وخلصت مالي بالمحبة هوايات

وزرع زرعت أصرم وجاه الحصادي

ما هو صحيح الحب كذب وخرافات

إن كنت ماني يا أهل العلم غادي

الحب بدعة ما نزلت فيه الآيات

ولا قرينا له حديث وكادي

من بعد حب دام خمسة سنوات

صارت نهاية حبنا شي عادي

قصيدة: ودّي بك وأبيك وأبَاك وأبغاك

قال محمد بن فطيس المري:

ودي بـك وأبيـك وأبـاك وأبـغـاك

جمّعتهـا لرضـاك وأختـار فيـهـا

شف ويش منها يتبع أحكاك ورضـاك

واللي لك أسقي مسمعـك لا ضميهـا

غديت أفر أحكاي وأسايـر أحكـاك

وأنـا تشّـرف لكنـتـي وأهتويـهـا

مضمونهـا ودي بشوفتـك وأهـواك

ياللي دروب أهل الـردى مـا تجيهـا

صانك ولـي أمـرك وحبـك وداراك

ولا قـدر ردع الحـظـوظ ومجيـهـا

نفسـك مهذبهـا وعـز الله ربّــاك

مايـدري إن جيـش الهيـام يغزيهـا

الله قسم يبـلاك بـي وأنـت يبـلاك

باللي سواتي فـي العـرب يرتجيهـا

محبة ذربة من القلـب تكسـاك

محبة صـدق الهـوى يكتسيهـا

يامرك قلبـك بالوفـا لـي وتنهـاك

ناس على لامـاك تفـرك يديهـا

رزين عقـل ومـن مزايـا مزايـاك

نفسـك تحـب وعفـتـك تمتطيـهـا

تطيع عقل ما بعـد زل وأغـواك

مشاعرك تعصـاه وأنـت تعصيهـا

ما شفت منـك إلا عيونـك ويمنـاك

محبـة راع الـردى مـا يبيهـا

يقبـض فـؤادي لا تخيلـت فرقـاك

شف عين مـا سـواك يعنيهـا

قصيدة: حقيقة الشوق

قال الشاعر حمد البريدي:

حقيقة الشوق وخوية خيالي

نصبتها روحي وصدري بلدها

أقرب من أنفاسي ورسمة ظلالي

الترفة اللي وسط قلبي وحدها

تشوف لذة عمرها من خلالي

وأشوف لذة عمري بلمس يدها

يحبها قلبي مع حبها لي

ويدعي لها في كل سجدة سجدها

قصيدة: يا اللي خذيت العقل والقلب والروح

يا اللّي خذيت القلب والروح وياك

ويا اللي عيونك بالهوا علقني

والله لو تبعد حشا ما تنساك

وشلون أبنسى جرح منه يطعني

سبحان من هو كملك ثم سواك

يا داعج العينين حبك سكني

ما همني عاذل وهذا وهذاك

وما همني لو قالوا الناس عني

يا صاحبي حتى القمر من حلاياك

وحتى شعاع الشمس منك يكني

وحتى الفكر هايم مع طيف ذكراك

وحتى دموع بغيبتك يذرفني

النفس صارت بالهوى من ضحاياك

ارفق على اللي من هواك أمتعني

لك وحشة يا سيد من هو تمناك

لك وحشة في شوفتك لا تمنّي

متى تيجي وأمسك يمني بيمناك

وأفرح وتفرح والليالي تغني

والبعد خله لا يجي من سواياك

خلك قريبٍ يوم قربك فتني.

قصيدة: حي العيون الناعسات الكحيلة

حيّ العيون الناعسات الكحيلة

اللي سهوم الموت داخل هدبها

من صابته يسهر ثمانين ليلة

ويمكن تجيه منيته من سببها

يا بنت أنا روحي من أول عليله

والبعد دمعات المولع سكبها

تعبت من حمل الهموم الثقيلة

حرام روحي لا تزيدي تعبها

الحب الأول مع فتاة أصيلة

بنت الوفا والجود غالي نسبها

عشنا سوا عدة شهور قليلة

والوقت الأقشر عن عيوني حجبها

واليوم ولعتِ في قلبي شعيلة

نارًا على نار تزايد لهبها

وحبها في القلب ما حدا يشيله

يلقى منا روحه وغاية طلبها

والحب الأول كيف أنا أرضى بديله

هذي مقادير وربك كتبها

المعذرة يا أم الرموش الطويلة

نحاسها يفنى ويبقى ذهبها.

قصيدة: أبشر بقلب ما يَبي غير طرياك

قال الشاعر بدر العنزي:

أبشر بقلب ما يبي غير طرياك

وأبشر بعين ما تبي غير شوفك

وأبشر بحب لو قسى الوقت يرعاك

وأبشر بروح من غلاها تحوفك

أبشر وكل اللي تبي يا الغلا جاك

آمر عسى درب المنايا يعوفك

يا صاحبي يشين وقتي بلياك

لا صار ما ينطق لساني حروفك

إن غبت عني يذبح القلب فرقاك

وإن جيت يمي عانقتني طيوفك

أمشي على كيفك على شان دنياك

وأساير أيامك وأقدر ظروفك

من كثر ما خوفي القلب ينساك

سلمت لك قلب الغلا في كفوفك .

محاورة شعرية بين بدوي وحضرية

قالت الحضرية:

قلنا سلام الله يا راعي الرعية

وين الطريق اللي تودي للبلد

معنا غشيم ما عرف قيمة خويه

ضيعه بقفار ما فيها أحد.

قال البدوي:

يا هلا و يا مرحبا بالنرجسية

اقلطي فالدار دارك والولد

ذيك خيمتنا ولا أنت بالخلية

ولك أمان الله في يوم الأحد.

قالت الحضرية:

مالنا مجلاس يا رجل الحمية

مثلنا لا غاب لحظة يفتقد

غير ذا الهندي عساه اليوم حية

لا عرف درب ولا هو اللي نشد.

قال البدوي:

إن جلستوا مرحبا ضيوف عليه

وإن تعذرتوا معك طير السعد

ما يجوز الغصب لك وأنتِ بنية

لكن العود ولازم من وعده.

قالت الحضرية:

إن عطاني الله عمر ولي بقية

لازم أرجع مع أهلي لك يوم غد

إن تفارقنا تذكرك المطية

وجعل يخلفنا علي ديارك رعد.

قال البدوي:

ليتني هندي معك يالغشمرية

وإن ذا الهندي في المفلا قعد

ليتني وياك نرعى الرعية

أو ليت قلبي خبل لا رحتِ هجد.

قالت الحضرية:

الله يخليك ماني بدوية

ما ناقصني يا ولد هم ونكد

دلنا على الخط دام الشمس حية

لا دنانا الليل ذا الهندي رقد.

قال البدوي:

ذاك دربك من ورا ذيك الحوية

واستري وجهك ولا تبديه أبد

وإن بغيتِ تحطبي مالك لوية

اجعلي بيديك حبل من مسد

قصيدة: كتبت أنا بتالي الليل

قالت الشاعرة عائشة العطوي:

كتبت أنا في تالي الليل بيتين

لعيون من يسوى جميع الخلايق

اللي معاهدني على الزين والشين

واللي بشوفه يصبح الفكر رايق

الصاحب اللي منزله داخل العين

هو الخوي وقت السعة والضوايق.

قصيدة: أم العيون السود والرمش فتان

إم العيون السود والرمش فتان

اللي رمتني بحبها يا حلاها

غمازيتين الخد والخد مليان

وطول الشعر لا طاح كله وراها

ولا الشفايف لونها لون رمان

والعنق طوله زايدًا في حلاها

أما طباعه يا عرب ما به إنسان

مشابهًا للي أوصف نواها.

قصيدة: مفتون باللي ترمي القلب مطروح

مفتون باللّي ترمي القلب مطروح

بسهام عينن كنها طير جارح

الموت تحت أهدابها اليوم مسموح

وش حيلة اللي في فضا الموت سارح

يا ناس نظرت عينها لاحها ضوح

مرحوم ياللي في هوى عيونك جامح.

قصيدة: بعلن من الكون الفسيح انفصالي

قال الشاعر حمد البريدي:

بعلن من الكون الفسيح انفصالي

وأرحل لعالم حبها وأعتمدها

ما دامها بد العذارى حلالي

خلوني أعشقها وأعيش برغدها

إذا العسل في نظرة الناس حالي

مع ريقها صار العسل مر وأدهى

فديت حبة خالها بري حالي

فوق الشفاه يمين جات بوعدها

وتقول من يقدر ينافس جمالي

وحتى الجمال يقول من ينتقدها

الله أكبر ما أعرف وش جرالي

أنا أمر في مرحلة مفتقدها

في مخملية عينها عز تالي

رموشها تقتل نظر من شهدها

وأغلى عطر ينقال له عطر غالي

أنفاسها الحلوة وريحة جسدها

جديلها ليل سهرته لحالي

غنيت له بين البروق ورعدها

وبياضها خلطة سحر من لآلي

وبتشوف مجرى الدم في عروق يدها

نظرة وجه رهبة هواجيس بالي

ملامح في غيرها لم أجدها

جمالها من كثر ما هو خيالي

كرهت كل أنثى تجي من بعدها

قصيدة: طاح قلبي في هوا زين الوصايف

طاح قلبي في هوى زين الوصايف

مثل تفاحة على الرمضاء تطيحي.

قصيدة: تعال بكتب لك وأروّقلك الجو

تعال بكتب لك وأروقلك الجو

والجو ذا الليلة علي كيف كيفك

أنا بدوي وجالس على الضو

وأنت المغرب واعتبرني ضيفك.

قصيدة: تعال يا ضيف المحبة أقهويك

تعـال يا ضيف المحبة أقهــويــك

في جو خالي من عيون الملاقيف

دلة غلا تروي شعـورك وتـرويـك

بهارها راقي على الــذوق والكيــف

لقراءة المزيد من الأشعار، ننصحك بالاطّلاع على هذا المقال: شعر حب بدوي.