شعر بدوي عن الفراق

قصيدة: ما بقيت أبغى سؤالك عني

قال الشاعر صاحب القصيدة:

ما بقيْت أبغى سؤالك عنّي اليوم وما أريدَه

ما أريد قلبك دام هذي خَطَاويك

عُفْت الهوى من بعد ما شُفت دنياه

عُفْت الليالي كلّها في تجافيك

ببكي ندم بعد فُرقاه

وأكتب قصيدة الحزن بفراقه

يصعب على قلبي ينساه

أريده ولكنْ عِزة نفسي تقول ما بيك

ضَيّعت بيديك قلب حالف ما يخلّيك

والحين ما بي يمرّني طيف ذكراه

حُبي رفعك ولازم آه يوطّيك

أعرف أني طريقي صعب

ولكن فراقك أصعب

حتى رجُوعي أصبح صعب

ما عندي حُلول ولكن بقول

إنسي السهر والحزن والقهر وانسيني

عيشي حياتك كلها بدوني

حلوها ومُرّها يمكن تلاقي حبيب غيري

يصير لجروحك طبيب

وترجع فرحتك يوم من تاني

وتنسي الحب وتنسيني

وتترك ديرة أحزاني

وفي ليالي الصيف

تمري جنبي كأنك ضيف

وأشوف بعيونك الفرحة

مع حبيب ثاني

قصيدة: أدري مقصر ويّاك

قال الشاعر صاحب القصيدة:

أدري مقصر ويّاك

وأدري ما تدرين أسباب تقصيري

لو دام حبك وعلاقتنا

أنا لغيرك وإنتِ لغيري

لازم نقوى على الفراق

حتى لو كان بعدك تدميري

عجزت لا أدبر ظروف تحدتنا

ما قام حظى ولا فادت تدابيري

ولو أن قربك خطأ يبيض رايتنا

يزيد قدرك غلا من زود تقديري

يا غايتي يوم تنهينا نهايتنا

تعالي خذي من أوجاعي تعبيري

أنا وشِعري وصلنا فوق طاقتنا

أحزن وحزني يحبونه جماهيري

واليوم لدفن بقايا حي ميتنا

ما عاد تحيي معاذيرك معاذيري

بعيش في سكت الذكرى بدايتنا

وأسير لأحلامنا وأنتِ بعد سيري

قصيدة: يا حلو الأيام لو ترجع على كيفي

قال الشعر صاحب القصيدة:

يا حلو الأيام لو ترجع على كيفي

ما كان قلبي شكى فُرقة مواليفه

كانوا بقربي ولا يحتاجوا تكاليفي

واليوم راحوا ودمعي صعب توقيفه

من عقب الأحباب مكسورة مجاديفي

غرقان والموج يلعب بي على كيفه

قصيدة: سهيت لحظة وقمت أبحث بجوالي

قال الشاعر صاحب القصيدة:

سهيت لحظة وقمت أبحث بجوالي

أقرأ الرسايل وأمسح مابقى منها

لقيت ذكرى رسالة والرقم غالي

مكتوب فيها إذا أنا مت فامسحها

فكرت فيك ولقيتك عايش وسالي

وما أظن يا صاحبي في يوم تذكرها

الموت عندي يساوي غيابك الحالي

والحين بستأذنك يا زين وأمسحها

قصيدة: سافر وخلّي أحزان عمري تخاويك

قال الشاعر صاحب القصيدة:

سافِر وخلِّ أحزان عمري تخاويك

يمكن معك تلقى حلول لضياعي

حاولت أشوه صورتك يوم أخليك

لقيتك أصدق من بكى في وداعي

قصيدة: قلت اصبري، قالت أنا أقولك زين

قال الشاعر صاحب القصيدة:

قلت: اصبري، قالت: أنا أقولك زين؟

قلت: أتمنّى ما تكوني بخيلة

ضمت يديني، قلت: توّك تحنين

قالت يدينك بس؟ هذي قليلة

يوم حضنتني دمّعت، قلت: تبكين

قالت: أظن الدمع أصدق وسيلة

ردّت وقالت: وش عذاب المحبين

قلت: الغياب وفي عيونك دليله

قصيدة: اصبر حبيبي قبل ما ترحل تعال

قال الشاعر صاحب القصيدة:

اصبر حبيبي قبل ما ترحل تعال

أبيك توعدني تجيني تجيني

حتى إذا ظرفك عن الجيّات حال

أكسر ظروفك ياغلا لأجل عيني

وبنتظرك أنا على كل الأحوال

وبحتضن وردة غلانا بيديني

قصيدة: أنا جريح الأمس واليوم والغد

قال الشاعر الشواخ:

أنا جريح الأمس واليوم والغد

وهذي جروح العمر أحصي عددها

لقيت أنا الدنيا ترى ملعنة جد

فيها الكلاب السود تأكل أسدها

صدقني غيرك أنت ما أشوف أنا أحد

ومن ما تلد مثلك خسارة ولدها

قصيدة: يا اللي تغرك ضحكتي بعض الأوقات

قال الشاعر صاحب القصيدة:

يا اللي تغرك ضحكتي بعض الأوقات

أحيان بعض الضحك معناه موتي

أوقات تلقاني أحاكيك بسكات

يوم الكلام يموت داخل سكوتي

يوم الحناجر تحتضر فيها الآهات

وأعجز عن فراقنا ولو طال صوتي

قصيدة: كان فيك عيب قلي فيك العيب الفلاني

قال الشاعر صاحب القصيدة:

كان فيني عيب قلي فيك العيب الفلاني

كان هرجي مزعلك في شي قلي لا تعيده

جيت ما بيك تحقرني جيت أبيك تعز شأني

جيت آبي فزعة ضلوعك من مشاعرك الفقيدة

يعلم الله شفت منك ومن فراقك ما كفاني

كان ما تقدر تخف هم قلبي لا تزيده

قصيدة: يبقى الغلا لو فرقتنا المشاريه

قال الشاعر صاحب القصيدة:

يبقى الغلا لو فرقتنا المشاريه

والشرهة اللي بالخواطر تروح

كل يعاتب بعض الأحيان غالية

والحب يبقى فوق كل الجروح

الحب لو شانت علينا لياليه

نصبر وفي سر الغلا ما نبوح

طبع الوفا بقلوبنا ما نخليه

يسري بروحه مثل ما هو بروحي

حبي على باله ولو كنت جافيه

وهو على بالي وحبه طموحي

قلبي ولو صديت وبعدت بيديه

وبنظرتي شوق ألقى له وضوحي

قصيدة: ما اقول إن الصدر ضايق

قال الشاعر صاحب القصيدة:

ما أقول إن الصدر ضايق أقول الكون فيني ضاق

ما أقول إن غيبتك صعبة أقول البعد ينهيني

أنا يا ما زعل قلبي عليك وما طريت فراق

أشيل بخاطري يمكن وأرضى لو تراضيني

يا ليتك بس تفقدني كثر ما أفقدك وأشتاق

قسم بالله ما يطرأ على بالك تخليني

قصيدة: جرح الفراق بخاطري ما أقدر أنساه

قال الشاعر صاحب القصيدة:

جرح الفراق بخاطري ما أقدر أنساه

ومن يفقد أحبابه عسى الله يعينه

القدر حق وكلنا من ضحاياه

والدرب واحد وكلنا عارفينه

قصيدة: أدري إني طريقي صعب

قال الشاعر صاحب القصيدة:

أدري بطريقي صعب وأتعثر بخطواتي

لكن عنادي أشد خلي الثمن حياتي

إيش جابرك على المر غير الأمرّ منه

ما خايف من النار؟ لا نارالعشق جنة

يا عيني على المفارق شلون الليالي وياه

هل ترحم دمع عينه لو يقضي آه بآه؟

إيش جابرك على المر غير الأمرّ منه

ما خايف من النار؟ لا نار العشق جنة

كل شي يصير أتحمل وأضم الآه والشكوى

أتعب والتعب راحة ما دام القلب يهواه

إيش جابرك على المر غير الأمرّ منه

ما خايف من النار؟ لا نار العشق جنة

قصيدة: يا مبعدًا عن شوق عيني مسافات

قال الشاعر صاحب القصيدة:^[١]

يا مبعدًا عن شوف عيني مسافات

لا تحسب إنه يخلف ظني

غلاك بقلبي شامخ بعده ما مات

وما هزته بعد المسافات عني

لو تبتعد روحي وروحك قريبات

الغلا يجمعهم غصب عنكوعني

المراجع

1. ↑ "يا مبعدن عن شوف عيني مسافات"، الساحة العمانية، اطّلع عليه بتاريخ 2020-11-18. بتصرّف.