محتويات
شبيك حبيبي
شبيك حبيبي اتغيرت مو ذاك ملكاك
وانا اللي عيوني انطيتك اياهن هدية
زعلتك بكلمة وانه مو دريان ؟؟
اعتذر والله وحط ايدك بديه
احبك من صدك مو حب هالايام
واسمك شايله بجيبي هوية
ويالطولك دوخ الكون
اكلبك ذهب والله لو جانت بديه
اعذرني بعد ما اكدر على الصار
وراح اكلك وشصار بيه
دمرني حبك ونساني هالناس
وانه اللي ماجنت انسه وشلون بيه
انطيني حل المشكلتي هاي شلون
شو كام الاخو يلوم اخيه
ميخالف اقبل كل الحجي الينكال
ولا ارضى بزعلك يالغالي عليه
شو ساكت حبيبي شبيك مابيك
تقبل انهان وتجيني الاذيه
وتقبل الشامت من بعيد يكول
خان بحبيبه وشاله من فيه
إذا تقبل هالحجي ,, كول من هاليوم
وانه من هاللحظة اكلك هاي هيه
واذا حبك من صدك مو كلمة التنكال
اخليك بكلبي واقفل الباب بيه
أريد اصرخ واسم الناس عن البينج وبيني
أريد اصرخ واسم الناس عن البينج وبيني
جمعنة الشوق صار سنيين تاليهة تخونيني
وانا الماغمضت عيني بعشرتج مساهرة عيني
اناديج بتوالي الليل واصيحن هم تحبيني
يجاوبني الصدى ويكلي أحبك يا نظر عيني
صرت بيدج غصن ذبلان وبصحراء زرعتيني
وعايش باقي بالحسرات ولو كطرات تسكيني
وهذا الحد الوصلتة وياج واترجاج اعذريني
طويناها صفحتك ونتهه الموضوع
فعل ماضي صفيت وخلصت المده
اشتتوقع أبوس اجدامك من تروح
واسحك كبريائي واطلب النجده
صح جدمي عثر من شفت طولك لاح
لاكن مانخيتك من طحت عمده
توجيت اعله جرحي وما طلبت العون
لان ادري اليطيح اجفوفه لتسنده
صح الكمر اكبر ونجوم ازغار
بس تحله السمه مو بالكمر وحده
واذا ساكت تره مو لان ماكو السان
مرات الصمت من الحجي ابده
وجف المايصافح جفك بالحساس
لا تعتب عليه وتنتخي بزنده
من اكتب شعر لا تعتقد بطران
البلابل بالقفص من ظيمهه مغرده
ماصدك بعد دمعاتك من اطيح
هم يهمل دمعهه العين لورمده
روح بلا وداع وكل اثر ماريد
اليكتب علرمل يعرف قدر كتبه
أحتاجك دفو لوحته ويه الصيف
شكــــلك روحي انته ؟؟ وانته تدري الروح بايعهه اعله شانك هي وسنيني
أحبك لكن اني هواي شايل خوف اذا تتركني اموت وانت تدريني
لذلك لمن ازعل ماتدير البال ولا تصالحني واصلا ماتحاجيني
اضل وحدي ويه وحدي ارضه وارجع ليك واضحك ويه وحدي واني اراضيني
يا أكبر ضعف يحصرني بس وياك وأنه المــــا كدر غير يلاويني
يـا كل نبضه تنطق بسمك وتهواك يلتمشي ويه دمي بنص شـــراييني
الك حته الجفن كل رمشه بيك يصيح وإذا ماصدكتني ... باوع بعيني
ماعطشان ابد للعشك لا والله لكني اعطشت من جيت ترويني
أحن اللمستك والضحكتك اشتاك وأطير ويه النجم لمن تشاقيني
اوزن كل كلامي وخطوتي ويه الغير وبس وياك تختل كل موازيني
أحتاجك دفو لو حته ويه الصيف احتاجك حنان وحب تغطيني
ولو جوه الشمس والحر يموت الناس انتضرك تجي بشمسك تدفيني
ياكل عطري انت وكل رياحيني يــــا أطيب نبع بجفوفه يرويني
خليني اعله كلبك واغفه انته ونام وخليني اعله رفك قلم خليني
مادام أنى يمك ارضه لو بالموت ولتفكر ابد..... خايف تجافيني...
أحس متغير
أحس متغير أني ومـالي خلك الناس
وأحس تعبان كلبي من الوكت مـــقهور
مثل غيمة حزن تمـــــطر علي كبـــــريت
وانه بنار عايش والدمـــــوع تــفـــور
كل يوم الأمس مثل الفلــــــم ينعــــاد
وباجر والأمس والجاي نفــــــس الطــــور
ناعور الوكت يســـگيني جان إشعار
وافتر الوكت وانه الــــصرت ناعـــــــــــــور
جنت اضحك واسولـــــــف ويا هذا وذاك
على غفلة ولگيت الناس كلها جــــــور
طرت بجـــــناح واحد للفرح فد يـــــــوم
شو حتــى الفرح ردني بجنح مكسور
ضيعت البـــــــــخت وانه الجنت محـــظوظ
حتى ويا العــــــشك ما عشت لحضة بنور
يا كلبي شكثر عذبــــــــــــتك انت ويــــــاي
احس كلبي على كلبي من الحزن مفطور
