محتويات
نماذج من شعر عباس جيجان
عباس جيجان؛ شاعر عراقي وُلد في مدينة البصرة، ثم انتقل إلى هولندا بعد تدهور الوضع الاقتصادي في العراق، وقام برثاء الرئيس صدام حسين في أكثر من قصيدة.
وله قصائد كثيرة متنوعة؛ بين الاجتماعية والاقتصادية والسياسية، تميّز أسلوبه بالسلاسة، والعذوبة، وحُسن العبارة، وبعض قصائده باللهجة العامية العراقية، كما أنّها مليئة بالعواطف الجياشة، ومنها ما يأتي:
قصيدة بسم الله إله الكون ربنا الخالق الأحد
بسم الله إله الكون ربنا الخالق الأحد
وصلى الله على أشرف أنبياء الله نبينا المصطفى أحمد
وصلى الله على آل الرسول وصحب الرسول الخاتم أنبياء الله محمد
محمد يا رحمة لكل إنسان عاش بدنيته محدد
محمد يا أعذب نبي يا أشرف نبي ما مات وتخلد
محمد يا نور وجه الله ما بين الخلايق دار وتوحد
محمد يا أبا الزهراء يا شفيع الناس يوم الحامية توقد
محمد أيها المبعوث فينا كلنا بدعواك نشهد
نشهد قبل ما ينخلق آدم ربنا من نوره خلق وجهك محمد
نشهد أنك المرسل حبيب الله محمد
محمد كل أنبياء الله عندنا نجوم وأنت الكوكب الفرقد
محمد أنت العقل كله والعلم والرأي لا والله وبعد أبعد
محمد أنت مو آخر نبي والله أنت أول نبي بآخر نبي تجسد
لولا محمد ما عرفنا الله ونصلي الفروض الخمسة نتعبد
ولا صمنا شهر رمضان ولا حجينا بيت الله لا خمسنا لا زكينا لا أزود
محمد يا عدل الإله إلي ساوى كل الناس بين الأبيض وأسود
محمد صلى الله عليك ويحرسك الرحمن يا أجمل نبي بأخلاقه يتفرد
محمد حبيبي وسيدي ومولاي ونفسي إلي ينزل ويصعد
محمد إذا مو إلك أكتب قصيدة وأمدحك وأنخاك بعد المن أروح برايته أنشد
محمد يا أبا الزهراء يا جد الحسين السال دمه ودربك تعبد
محمد أنت مو بالمدينة تنام لا والله أنت بكل قلب موجود لك مرقد
محمد يا أحلى اسم مر باللسان ونطق بيه الكون كله وقالها وردد
محمد يا ليلة قدر بيه المولى أسرى بليل ووصل يم الإله وسبح وحمّد
محمد إذا كان الكرم الجود عند الناس كل الناس أنت الأكرم الأجود
محمد يا قوس سهم الله على الكافر رمى وسدد
محمد آمنت باسمك عرب وأعجام كلها برحمتك تسعد
محمد يا عطر الإله انطش على الأكوان ومن عنده الورد ورّد
محمد يا نور وجه الله من نوره الظلام إنزال وتبدد
محمد وآل بيتك طاهرة وأطهار حبهم للوقع مسند
محمد والصحابة اللي صاحبوك سنين سلام الله عليهم دوم يتجدد
محمد يا نبي ومعصوم ومن عنده المكارم تجي وتتولد
محمد ما تمسه النار لا والله كل من صلى وتنخى بمحمد
محمد، محمد.
قصيدة من ذهب يا لسان
من ذهب يا لسان كلامك يضمن الفضة
وكبيرة السالفة ببغداد خلقك لازم تفضه
أظل كم دوب أغض الطرف هنَّ هواي
مل مني الطرف من كثر ما أغضه
مديت الحبل كله على طوله وياك
رد مقطوع ثاري الفار كان بعبك يقرضه
مثل الذيب لمّن شاف الية الشاة تسرفن قام يتوضى
أجاكم للحلق مكتوف ومثل جهمة بغل بشعير دنّق نابك يعظه
شيصبر الروح لمّا تشوف جيش الغاصب المحتل يمشي بطوله وبعرضه
لا صارت ولا هي تصير بالقرن الواحد
وعشرين يحتل العراق وينتهك عرضه
واحنا القاع منّا تخاف إذا ندبك عليها وثوبنا ننفضه
كم واحد بواحد عال بينا وخاب ورد لامه ذليل مفيّن بحظه
واحنا الهوى بس الهوى نسمح له يمر خشم العراقيين وإذا بيه ريح صفرا نسده ونرفضه
قلي شو ورّطك بينا يا راعي الهوش غير الندم عض إبهام ما تحظى
جاي إنت على أهل الراي رايد رايك تفرضه
قصيدة تأقلم قال لي البطران
تأقلم قال لي البطران وتوكل على الله وصفّي النية
عيش لذاتك ويا الناس وانس همومك شوية
مهي الدنيا صارت هيك كل من منزوي له وخاتل بفيه
ولا تذكر فراتك يوم ولا دجلة وشواطيها
بدّلهن بنهر الراين المعروف وفروعه ومجاريه
وخلنا من الوطن هسع وقصوره ومحاريه
بدله بوطن نيدر لاند وسوشاله ومصاريه
وخلنا من الطفولة وعمرك التعبان وسنينه ومحاكيه
هي الناس نفس الناس بس تختلف باللهجات والنية
إذا رايد صديق هنا بدل روب بعطية
وإذا رايد تشم نسمة عليلة من هوى بغداد هوانا بأند هوفن ينعش الرية
أنا اللي يا ويل يا ويلاه والهوسات ومحاضن الجوبية
عليمن تنقهر عالفات مهيّ الدنيا مقضية
عليمن للصبح سهران قاعد بس تعد نجوم تحسب زحل وثريا
وعليمن عينك ربيّه قطعنا الياس من عندهم بعد فدنوب لا روحة ولا جية
أتاقلم وأنا الممنون يا خايب غصبًا عليّ
أتاقلم وأجيك من الصبح حافي بطرق رجليّا
وأذب عقالي ذاك الزين وأحط براسي طاقية
وأروح كل يوم وأرقص لك رقص مذبوح وأقلك شوفني ايش بيّا
أتأقلم وأصيحن حيل تحيا الديمقراطية.
