محتويات
شعر ليبي من قصيدة ما زلت
ما زلت نا القديم صاحب جفا نقدر عليها انصيم
لاعيب لاسيات لا تحريم لامعاتبة لاحس لا ضوضاء
لاليش لاكنك ولا تكليم كثر الحديث ايصير فيه أخطاء
لاانريد نفتح امعاك سين وجيم ولا خير في صاحب
إن كان شكا، وما زلت نا القديم
شعر ليبي من قصيدة خليك بين الناس
خليك بين الناس فاعل خير والعمر مهما طال راه قصـير
خليك ديمة صافي كيف العسل للناس حلو
وشافي لا تهين غيـرك ولا بشر تكافي
مهما حصلك من قلال الخير ولا تخون
من خانك وخلك وافي ولا تبيع حق الناس
بالتزوير لا تكون شين طبايع
ولا تكون مرخي فب كلامك مايع
ولا تعيش بين الناس حقك ضايع
ولا تكون قاسي على الضعيف تغير
وارحم اللي محتاج واللي جايع
وازرع الفرحة في قلوب الغير
خلك عادي مهما علي شانك
جميلك بادي راها الدنيا مالها
ودادي ولا يهمها كناس ولا وزير
تبرم بعد زهوات جاي وغادي
بعد العلاوي تحذفك فــي البير
خلي كلامك ديمة للناس خير
والعدو تبسيمة والعدو ما يحتاج للتلويمة
واللي ظلم ما ينفعه تبرير
ولا تعاتب الصاحب إنكان حتى إكليمة
ومهما جرالك ما العيب أتدير
اصبر ووسع بالك واجد اللي مهموم حاله
حالك واذكر المولى وإن شد حبالك
وابعد عللي مالها تفسير
وما أتموت غير في مجالك
مهما جرا من الناس ليش أتحير
شعر ليبي من قصيدة خليك صاحب
خليك صاحب
ود أتراعي العلامة والعدالة
عد ووين الزمان أيميل
لا ترتد خلك دوم عالمبدى
بلا تغيير ومهما علا نجمك وفق صعد
تحتم على حفرة ويوم عسير خليك
ديما طيب فزاع للصاحب وديما قريب
لا تخون جارك لا رفيق أتسيب
فوقت العتب خليك دوم كبير
تردع الظالم فالضعيف أتهيب
وتبقى سند للحق بالتدبير
خليك بين الناس فاعل خير
والعمر مهما طال راه قصير
شعر ليبي من قصيدة ليتني دم بوريدك
ليتني دم بوريدك أدخل القلب وأشوف
هل أنا ساكن بوسطه أو أحد غيري لفاه
ليتني حبر بيدينك أقلب أفكارك حروف
أكتب اللي قد كتمته وما تبي غيرك يراه
ليتني ظل بنهارك ليتني بليلك طيوف
أسهر الليل بخيالك وأسمعك لا قلت آه
ليتني كلك وكلك.. ليتك بحالي تشوف
غيرة العاشق مصيبة والمصيبة في هـواه
شعر ليبي من قصيدة السيارة
قتله لما سقتني جديدة امنين كنت في الميدان ليا ميدا
وياما رفعتك لي برور بعيدة وياما حصدت الزرع ومعبيني
وياما بسطتك من أيام سعيدة مع ترقاي وتهيف مرقيني
واليوم دايريني عقاب حديدة ما قلت يخرب طرف وتساويني
جايب طروف مقلدة تقليدا تيوان ما هي صنع حتيصيني
شعر ليبي من قصيدة يا العين توبي عالقديم وخلك معاي
يا العين توبي عالقديم وخلك معاي واتبعيني عالجديد أندلك
غزير اهدوبـه توبي عليه وعن جراير صوبه
وين عورجت في النص بيك ادروبه عديه في عدد م الوقت ما حاصلك
وخليه في ضلالاته اذنوبه دوبه وأنت بأجر تجازي ويسجلك
بالك مع رأيي اتجينا توبه على صوب سيوره ان طال يهلك
عالقديم وناره وعلى عمر عدًا في رجاه اخساره
مرهون حر في رايه وفاللي داره ونا حر فيك ما انريد انضًلك
سحبتي معاه خذاك في تياره يضمك امعاه وفي خفاء يفتلك
