محتويات
نضال الحاج
نضال الحاج شاعرة سودانيّة مُجيدة، لاقت أشعارها حضورًا لافتًا في الآونة الأخيرة؛ لبساطة لُغتها التي استطاعت من خلالها الوصول إلى القارئ، ومن أشهر أعمالها قصيدة: "أنا بكرهك"، وفي هذا المقال أبرز أشعارها.
نماذج من شعر نضال الحاج
قصيدة أنا بكرهك
قالت الشاعرة نضال الحاج:
:أنا بكره اليوم الصنع قلبًا يكورك ويندهك
:أنا شلت ريدك في القليب وسقيتو من دم العروق
:صنقعت دليت النجم دنقرت كبيت نور وشوق
:وعصرت موية الانتظار ختيتا في وجع الحروق
:وكان النتيجة تبيع هوي هو اريتو كان سويتلو سوق
:أنا بكرهك
:من وين أجيب ليك الدموع
:من وين اصنقر حيل كلام كان أمنيات قلبه الرجوع
:لكني مجبور أطردك واقفل وراك باب الضلوع
:شديت رحالاتي ومشيت وكتين هتك حيلك هواي
:ارتحت في موجي ورسيت
:لا حرك الموج البحر
:لا صد فلبي ولا قسيت لكن طلعت خيال عشم
:ضمخ رؤى الوجع المميت
:أنا بكرهك
:قدر اشتهاي
:أنا بكرهك
:قدر الغرام الكان زمان كابت مساماتي وهواي
:أنا بكرهك
:قدر إني ما لودت بيك كريات شراييني ودماي.
قصيدة أنا ما بريدك
قالت الشاعرة نضال الحاج:
:أنا ما بريدك
:بريدك.. والسما اتشابت عشان تلحق طرف توب ريدي خانتا قدرتا
:أنا ما بريدك
:والزمن طلق بنيات حسي عددما سترتا
:وسرعة براق اللهفة ما ودت مشاعري البيضا لي ضل سدرتا
:ويوم القصايد حننت أيديها ليك خترت خبارا الحلة جت ماصدقت حين خترتا
:ضل انت والعالم نهار اصنج ولابعرف نضم
:سترة وقميص السترة مابشبه هدم
:املس حنين عينيك من جسم الحرير
:ضكران وسمك في البطون ما ابنهضم
:ماليني يا سيد ريدي يا الحر ابضراع
:اقرع شتات إحساسي يا المتلك عدم.
قصيدة أنا لا ابراهيمك
قالت الشاعرة نضال الحاج:
:أنا لا ابراهيمك لا رؤياك
:أنا لا فرعونك لا موساك
:أنا لا ثعبانك لاني عصاك
:أنا بس يا دابك ساكنه مسامك
:وجبرا جارية مجرى دماك
:وعشعش فيني خيالك جّوه
:وكنت الزول الضعف القوّه
:وكت إت آدم وكت أنا حوّا
:سلبت الريد الصادق مني وكان الريد مسكين بتتلوى
:وفجأه فتحت عيوني صحيتك
:سكت الصوت كان ناديتك
:ودون ما أشعر كت بحتاجك
:وتبقى القلب النابض إنت ورهف إحساسي وعافية شوقي.
قصيدة بريدك يمه حتى الموت
قالت الشاعرة نضال الحاج:
:دا منُو البسمِّيك خاطرة في عرف القصيد
:ومنو البشيلك غير تعشرقي في الوريد
:ومنُو البدونك يُمَّه سمَّى الدنيا عيد
:أها يُمَّه عاد أنا شِنْ بَسَوْ والشوق شديد
:لك يا ميلاد الفخر ونبع العشق العذري
:لك يا تاجًا يزين كل رأس تملك عرشًا
:للدفء وكرسيًا زخرفته جميل المشاعر
:أمِّي
:يا أغنية لامست شفاه الشمس فغنَّتها الكواكب معًا
:يا أمنية فاجأت عالم النشوى وانسابت دفقًا من جميل الكلام
:ماذا أسمِّيك غير هذا الاسم
:عظَّمك اللهُ فجعل الجنَّات تحت قدميك
:وأوصى بك سيِّد الخلق وخاتم الأنبياء
:فماذا لديَّ أنا؟
:لست سوى أَمَة سقطت رهينة حبِّك الساكن في عمق العمق
:يا نهرًا عذبٌ ماؤه
:متَّسعٌ فمه حبًا وترحابًا بقدومك
:عبر إيقاع أمواجه وتصفيق شاطئيه.
