محتويات
أمثال شعبية مصرية عن الحب
من أشهر الأمثال والحكم الشعبية المصرية عن الحب:
- ضرب الحبيب زي أكل الزبيب.
- مراية الحب عميا.
- خنفسا شافت ولادها على الحيط قالت ده لولي وملضوم في خيط.
- اخد ابن عمي واتغطى بكمي.
- بصلة المحب خروف.
- لو سرقت اسرق جمل ولو عشقت اعشق قمر.
- عتاب الأحبة كالأمطار.
أمثال شعبية مصرية عن الزواج
فيما يلي مجموعة بارزة من الأمثلة الشعبية المصرية عن الزواج:
- الله يهني سعيد بسعيدة.
- العروسة طويلة والباب قصير.
- مرات المنحوس لا هي مطلقة ولا هي عروس.
- اللي متتجوزش بخدودها تتجوز بجدودها.
- جوزوا مشكاح لريمة ما على الاثنين قيمة.
- حطي جوزك فوق السطوح ولو ليكي نصيب فيه مش هيروح.
- جوزك على ما تعوديه وابنك على ما تربيه.
- قصقصي ريش طيرك قبل ما يلف على غيرك.
أمثال شعبية مصرية عن الأصدقاء
من أشهر الأمثال الشعبية المصرية عن الأصدقاء:
- من لقى احبابه نسي صحابه.
- الصداقة للمصلحة تزول.
- اختار الصديق قبل الطريق.
- من يفتش عن صديق خال من العيب لا صديق له.
- مفيش صاحب يتصاحب.
- أنا ضربت الودع ملقتش صاحب جدع.
- اعرف صاحبك على عيبه.
- خد لك من كل بلد صاحب ولا تاخد من كل بلد عدو.
- انصح صاحبك من الصبح للظهر وضلله من المغرب والعشاء.
- ضربت الودع ملقيتش صاحب جدع.
- وقت المصلحة اختفوا الصحاب.
- متفرحش بلمه الصحاب حوليك، لما يبقا عندك أصحاب عددهم قليل بس رجالة أحسن بكتير من الصحاب الكتيرة الندالة.
- متصاحبش صاحب فى داهية يوديك، وصاحب كلب فى شدة يحميك.
- حسدوا الصحاب علي لمتهم لحد ما بانو على حقيقتهم.
- ويوم ما أموت اعز صاحب ليا هيحط التراب عليا.
- لو عَ الصّحاب يابا متعدش بس يا خسارة نصهم ميسدش.
أمثال شعبية مصرية عن الرجال
من الأمثلة الشعبية المصرية المشهورة عن الرجال:
- أبو كرش يصونك ولا أبو عضل يخونك.
- الراجل بكلمتو ينغاس وابن الحلال ميلعبش ببنت الناس وبنت الناس ميهمهاش لا مال ولا لباس.
- قال يا مأمنة للرجال يا مأمنة للمية في الغربال.
- الراجل ميعيبوش غير جيبه.
- جنازة بتار ولا قعدة الراجل في الدار.
أمثال شعبية مصرية قديمة
من أشهر الأمثال الشعبية المصرية القديمة:
- اللي يحبه ربه يحبب فيه خلقه.
- داري على شمعتك تقيد.
- من جاور السعيد يسعد ومن جاور الحداد ينكوي بناره.
- دخان يعمي ولا برد يقتل.
- اتلم المتعوس على خايب الرجا.
- اللي باعك بالفول بيعه بقشره.
- بكرة نقعد على الحيطة ونسمع الزيطة.
- صباح الخير يا جاري، أنت في دارك وأنا في داري.
- حرّص ولا تخوّن.
- إيد لوحدها ما تسقفش.
- العلم في الراس مش في الكرّاس.
- كل تأخيرة وفيها خيرة.
- من غربل الناس، نخلوه.
- الغالي تمنه فيه
- الديك الفصيح من البيضة يصيح.
- كل عقدة وليها حلال.
- دنيا كلها تمثيل وصعب تلاقى حد أصيل.
- انا لسة بصحتي ويا مرحبا باللي يجي على سكتي.
- أصحاب الشدة اتنين وأصحاب المصلحة ألفين.
- ناس منعرفهاش وبتشكر فينا وناس نعرفها بتتكلم علينا.
