شعر شعبي عراقي عن العتاب
سوف نذكر لكم في هذا المقال بعض الأشعار الشعبيّة العراقيّة الّتي تحدّثت عن العتاب، ومنها:
- اريد اعلن حداد وللعشك ماعود
- واريد انساك ونسة البينك وبيني
- وشك دفتر غرامك خاطر انة انساك
- ودير الوجه عنك من تلاكيني
- ماريدك بعد لو انت روحي اتصير
- وماريدك لون من موت تحييني
- ملح بعيوني احطن ونسة حتى النوم
- اخافن بالمنام طيوفك تجييني
- اذا شافتك عيني وفرحت بملكاك
- والله اتبره منهه وهاي موعيني
- واذا صافحك جفي بحجة الخملان
- اكص اثنين اديه يساري ويميني
- واذا كالولي حبك يسري بالشريان
- ثق بالله اكطع كل شراييني
- واذا صاير شمس انه ابقه دوم بليل
- وما ريد الضوة وبلظلمه خليني
- تذكرمن لكيتك والعطش واليك
- وكلتلي امعود اترجاك روييني
- عصرت اجفون عيني وشلييت دموع
- وشربتك بديه وانت تدرييني
- ومن مرني العطش صرت انت جربة ماي
- كصدتك معتني ومديت جفيني
- وانت بكل وكاحة وكل صلافة عين
- درت بجفوفي سم وردت تنهيني
- تذب نفطك عليه وانه بيه النار
- وتتحمه اعله ناري و ماتطفيني
- وصرت محبس بديك وكمت بيه تسوم
- ساعة تبيع بيه وساعة تشريني
- اظل خصمك وفضحك حتى من اتموت
- على كبرك أخطـــــــــــن بايك اسنيني
- أجى واحد عليّا وكالي شبيك؟
- أحسّ حملك ثكيل ودمعة بعيونك
- وأحسّ داخل كليبك نار تشعل نار
- وأحسّ ظهرك حنيتة وهدّلن متونك
- كتلة القصة هيج وهيج بيّا الصّار
- صـــــاح: الله أكبر، عمّي خيعونك
- ما يسوون إظفرك خلهم يولّون
- ما عدهم كلب ذولا اللّي يخونونك
- تتعذّب عليمن أنتَ هم إنسان؟
- بس دوس أعلى كلبك لا يدوسونك
- وعليمن تنتظرهم والله ميرجعون
- حيــــل بعيد صاروا ما يذكرونك
- ولو بيهم أمل أنتظر جان ويّاك
- بس قاسي كلبهم ما يفيدونك
- وأُخُذ منّي نصيحة وعوف دمع العين
- صافن لا تظلّ باجر يعبرونك
- هاك أخذ جرحك بعد ما أشتهيك
- وكلمة انه اهواك تحچيها
- وبس أوخر عنك اسنينك تطيح
- اسنين عمرك .. عمري لمتجيها
- ابگـاع خدينك أنه العاكس ضواي
- آبمعنى آخر …….. انه لمحليها
- ذكرياتك صارن … الطف ويزيد
- حيل اكرهك من يمر طاريها
- اصبر الروح بيش وانت بيه الروح
- وإذا تطلع أظلّن بس جسد خالي
- لكيتك من جنة ما لاكي كلّ الناس
- انت أوّل محب وانت صرت تالي
- يلكلك محبّة وانت أحن مخلوق
- معقولة الحمامة تصير كتالي
- صح ماكو بجمالك آني أدري بهاي
- وروجه رقّتك ما كظها أي جالي
- حرام عليك تزعل وانت الصوج
- أجيك أنا أعتذر وبلا ذنب خالي
- تزعل ليش
- غالي وكلشي عندي وما أهدك دوم غالي
- وهسه حبّك جيف صرت غالي
- أحسّك تختلف عن كلّ الناس بعيوني أشوفك عالنّجم عالي
- وأشوفن دمعتك ما جنها تنزل ماي
- ذهب تنزل دمعتك تجدح اتلالي
- إلك بستان عمري بكلّ ثمن مزروع
- راضي بكلشي منّك كلشي يا حلالي
- أجيك ومن أرد فارغ أرد للغير
- وعنب بس أعله مودك تارس اسلالي
- يمك أنسى روحي ومن أكون ويّاك
- وعلى فنجان شفتك تركع ادلالي
- الواشي بلا بخت مرني وزعلك
- أموت إنه ولا يوم أجرحنّك وزعلك
- حلو كلّك على بعضك وزعلك
- بحلاتك فدوة بس ارضى عليّ
- خل نتعاتب حطني وحطك آنة لحبّك ويكرهونك
- غايب عندي مسجلك حاظر حاظر عدهم ويغيبونك
- يلوياي عيونك تبجي وبس وي غيري اضحك اسنونك
- تدري أش كد سباني لسانك بكد ما مدحك ويسبّونك
- أجيت بحركة وآخذ ثاري ومن لاكيتك كلت شلونك
- ما متغيّر هاي أطباعي وأنت اتكلي تغيّر لونك
- لا ما غير حتّى أهدومي بس خاف انت مغيّر عيونك
- من رمل جفوف الشايلتك بس تهب ريح يطيحونك
- وجتفتك بمتوني وشلتك وما كدروا مني يذبونك
- ومن ينهّد حيلي أترد ألهم وصعدهم فوك أمتونك
- غايب عني ولا ما ناسي وانت أليم هم ميذكرونك
- أيذكرونك من تصافح بس تهد جفهم ينسونك
- تدري وياي أشكد مقصّر بكد ما منطي وما ينطونك
- بكد جف الماسح دمعاتك وكد مسحت جفهم ماعونك
- ارضى ترد وشايل راسك وارضى ترد وارضى يردّونك
- وارضى ترد مكسور الخاطر بس لا ترد مكسورة عيونك
- كتبت الشعر مو لأجلك ولكن فاض بي
- بركان وأمّا انت فلا تسوّين قصيدة في نظر عيني
- حلفتي لي تصونيني إذا صار الزّمن خوّان
- وأوّل ما عثر حظّي على دربك خذلتيني
- كسر رمح الزّمن صدري وجيتك اشتكي حيران
- نزعتي الرّمح من صدري وفي ظهري طعنتيني
- خسارة كييف حبيتك؟؟! نعم والله ندمان
- غبي أدري نعم أدري ما دام انّك سكنتيني
- سنة من عمري وأنا في لعبتك غرقان
- أشيل الشوك من دربك وجرحي كان يدميني
- وكنت أبكي إذا تبكي وأكون لبسمتك فرحان
- وكنت أقرب من رموشك لعينك يوم تبغيني
- عرفتك للأسف صحراء وحوّلتك إلى بستان
- وشلتيني غصن أخضر وفي صخرك زرعتيني
- حفرتك داخلي وظنّي تصوني عشرتي أزمان
- وكنت أحفر قبر موتي على ساحل شراييني
- على كفّ الشقا نامت جروحي والألم سهران
- يحطمني، يبعثرني، وفي صحراك يرميني
- ولكن عزّتي تفرض أكون بدنيتي سلطان
- وإن ظنّك أجي أركع لرجلك ما عرفتيني
- أنا ما عادتي اشحذ من أمثالك رضا وإحسان
- أموت بعزتي أرحم ولا ذلّك يغطّيني
- وما دام الوفا عندك يدوّر له على عنوان
- بدوّر لي على قلب يصون الحب وسنيني
- ولو قلبي رجع حَبّك بولع فيه بالنيران
- وبكسرها أنا رجلي إذا صوبك تودّيني
- ولو دار الزّمن ضدّك وجيتي تطلبي الغفران
- وجبتي الشّمس في كفّك لعندي..ما بتلقيني
- تقول النّاس في وصفك: جميلة مثل عود البان
- وإنّك أجمل وأحلى بشر مخلوق من طيني
- وإنّك غالية وأثمن من الياقوت والمرجان
- تقوم أكوان من أجلك وتقعد لك بلاديني
- حسافة غرهم شكلك ويا ما تخدع الألوان
- عموماً بقت كلمة أخيرة لك على قلبي وسمعيني
- إذا كنتِ بنظر غيري ملاك على هيئة إنسان
- قسم بالله ما تسوين شعرة من رمش عيني
