محتويات
شعر ليبي عن الغدر في الحب
وين مـــا نقـول نهونك
يلي مذيبلني سواد عيونك
لا حذاك في الدنيا علم لا دونك
ولكن خسارة فيك عاكس عوني
ما زال ما عندي نقص قانونك
كيف ما أنت عندك نقص قانوني
ونحن قيس من ليلي ونا مجنونك
حتى ونا سليم الناس يحسابوني
وين ما ثمر غيري قطف عرجونك
ونا الهم لو يقتل كبار غبوني
وين ما نقول كفايا
وما عاد نجر معاك في سهرايا
من يوماً رضيتي بالخراب معايا
واخترتي اللي ما كان غالي دوني
عليك غير ماي ساعة عدد يا منايا
ما هن سويا واجدات ديوني
وظلمك وجفاك مخلَفات سوايا
ساكنات جوا ضربهن دكنوني
وزولك هداك السمح كان تهايا
وانتي ترتشاقي مشيتك فصعوني
تقول تشغلي في بهيب عنايا
وانكان غمضت عيني حذاي تكوني
وين ما نقول نسيبك حتي
مسخرا ما عاد نجيب سريبك
يجي اليل ويجيني منام يجيبك
ونبقي عليك انق هذا لوني
ونذكر أيام زهاك وتشرهيبك
وقول يا شقاهم من عليك نهوني
واليوم يا مرادي ما تقول طليبك
ولا تقول عاهدتي غلاي تصوني
ولا تقول شاكيتي بما زاريبك
كيف ما نجض بنار في مكنوني
طوعك الهم شوه صفاك وطيبك
وما كنت نحسابك معاي تخوني
وين ما نقول تهوني تجي صورتك
هذيك بين عيوني تزيدي غلا
شعر ليبي عن جرح الحب
سهرت الليل وانا اشكي ألم بعدك
جلست أبكي كتبت اسمك على صدري
نزف جرحي وانامادري
ما علموك ؟
إن الغلا يجرح الروح !
وأنا على فرقاك .. تنزف جروحي !!
آسف أزعجتك ؟
بس يمك خذتني لهفة الخاطر
ما أمهلتني انتظر باكر
يا درب ياطولك على فرقا الأحباب
يا درب تكفى تختصر لي المسافة
حبك بقلبي شراله "دتسن" غماره
ومن كثر الغلا فحط على باقي المحبين
مساء ابيض يضمك حيل بأحضاني..
مساء يهدي أمل وردي لأجمل وأعذب إنسان
المحبة رأس مالي والقلوب إلى تعشقها
والضلوع آليا تثنت من غلاك الله عوجها
تبسم للزمن تكفى ترى صمت القهر حراق
وحذاري تذرق الدمعة ولوالنفس مجروحة
مدري غلا ! ولاوله ! ولا محبه !
لاشفت رقمك غصب عني تبتسم
أنت الحياة وباقي الناس ليموت ..
وشلون التفت للموت ؟ وأترك حياتي !
أبكيك حكاية قلب حلف يمشي على أمرك
رفض يسكن صدور الناس وجاك بيسكن بصدرك
شعر ليبي عن الحب النقي
يا جاهلين الحب الحب ماهو دوة ،، ولا بالتمني ولا يجي بالقوة ،، الحب موش كلام ،، ولا هو كتابه ع الورق بأقلام ،، الحب النقي مش يوم والا عام ،، ف القلب ناره ابروحها اتقاوى ،، والي عشق يصبر على ليام ،، ويدير حسبته للياس ويحسب سوه ،، الحب ،، مايجي بقوة ولا يجي بتعب ،، و الي عشق بالعين ماهو حب عطشان ويفوت عليها في جوه و في وقتنا معاد تلقى حب و الحب النقي ضايع ومش من تو يا جاهلين الحب
شعر ليبي عن الحب المشروط
يام العيون الحور
أنا بدوي وأنت من قضا الحضور
بلاش م الغلا
يا سمحة التهميدة
متخالفين رانا من أسباب عديدة
أنت من بنات رباه عيت احميدة
ونا بدوي لا في ع البلاد اندور
قضيت الطفولة في ظروف شديدة
ولا في شبابي شفت يوم سرور
شقي من خطا ليام والتعقيدة
قليل الهنا نوعا معا الفجور
وما يهمني وانت عروس جديدة
ع النوم والكساد انديرلك طرطور
أنت خذيتي الحياة السعيدة
معا بوك عندك هانيه لامور
وعنده عليك حنان وتفدفيده
اتكحي احذاه يجيبلك دكتور
وكل عام لاثينا يشيلك بيده
في صيفها تقضي ثلاث شهور
دلال علمك ع الدلع والتجعيده
اللي تطلبيه اينفذه مامور
ونا بدوي شاعث مونتي العصيدة
وتمر وحليب وخبزة التنور
بالله نين نبقوا في بلاد بعيدة
وين نلقالك البيتفور
يا دلوعة مليت م الخداع ومن مرار اللوعة
غلاك مفروض ينتهى قبل اسبوعه
وإن كان هو طول علي ايجور
وان دامن اقسامي ف الغلا طبوعة
بعد ايام تلقيني بروفسور
وأندرس على طلاب في ميضوعة
واندير معهد عالي للبكا مشهور
والطالب ايجي شايل معاه ادموعه
لشروط القبول الحب عندا دور
واهناك فرق بين أبكاه ف المربوعة
وابكا ف الخلا وأبكاه للجمهور
يام العيون الحور .
نا بدوي وانت من قضا الحضور
بلاش م الغل
شعر ليبي عن الخيانة في الحب
ما نقول نسيبك ** حتي مسخرة ما عد نجيب سريبك
يجي الليل ويجيني منام يجيبك
ونبقي عليك انق هذا لوني
ونذكر أيام زهاك وتشرهيبك وقول يا شقاهم من عليك نهوني
واليوم يا مرادي ما تقول طليبك ولا تقول عاهدتي غلاي تصوني
ولا تقول شاكيتي بما زاريبك كيف ما نجض بنار في مكنوني
طوعك الهم شوه صفاك وطيبك وما كنت نحسابك معاي تخوني
وين ما نقول تهوني.. تجي صورتك هاذيك بين عيوني.. اتزيدي غلا
